Bonvenu en la mondon de Socioniko!

Kontakto

Aleksandro Galkin Berlino	D-ro Prof. Vladislavo Okladnikov, Irkutsk, Rusio
Dmitrio Lytov Sankt-Peterburgo	Pavlo Moĵajev (Mevo), Ukrainio mevamevo@yandex.ru

Kreintoj de la tipologio

	Karl Gustav Jung (1875 - 1961). Svisa psikologiisto kaj psikiatro. En siaj studoj li pruvis, ke ne nur alienuloj, sed ankaŭ sanaj homoj apartenas al diversaj personaj tipoj. Lia persona tipologio fariĝis bazo por socioniko, kaj ankau kelkaj famaj testoj - MBTI, Testo de Keirsey, Testo de Eysenck ktp.
	Isabel Briggs MYERS (1897 - 1980) Ŝi estis lerneja instruistino. Sur la bazo de la psikologia tipologio kreita de Jung, ŝi kreis, kune kun ŝia patrino K.Briggs, la teston MBTI (la Tipa Indikilo de Myers kaj Briggs), kiu nuntempe estas tre fama en la Usono kaj aliaj landoj (ankaŭ fama estas alia testo, la Temperamenta Difinilo de Keirsey, kiu originas de MBTI). Oni iufoje konfuzas la socionikon kun la teorio de Myers, eĉ kvankam ekzistas certaj gravaj diferencoj inter la ambaŭ teorioj. Se vi volas ekscii plu pri ŝi kaj ŝiaj verkoj, bonvolu viziti la anglalingvan retpaĝaron www.capt.org !
	Antoni Kępiński (1918 - 1972) Pola psikiatro. Li kritikis mistikan pensmanieron de Jung, malakceptis lian teorion de tipoj, kreinte sian propran. Tamen li, en sia libro "Psikopatologio de neŭrozoj" proponis la terminon "informacia metabolo" (interŝanĝo), eksplikanta, laŭ lia opinio, principojn de stabilaj rilatoj inter homoj.
	Auŝra Aŭgusta (nask. 4.04.1927) Vera familinomo - Aŭgustinaviĉiute. Loĝas en Vilnius (Litovio). Kreintino de la socioniko, t.e. la teorio de rilatoj kiel informa interŝanĝo inter personaj tipoj. Komence ŝi laboris kiel ekonomiistino, poste - sociologiistino, en jaro 1968 - estrino de la fakultato de familio en Vilniusa Pedagogia Instituto.

Kio estas la socioniko?

Change language? - ¿Cambiar idioma? - Andere sprache? - Autre langue? - Ŝanĝi lingvon?

Rilatoj inter homoj estas antaŭdireblaj! Tiel opinias adeptoj de la socioniko - kompareble nova (ekde 1970) psikologia teorio. Tiuj rilatoj formiĝas inter 16 personaj tipoj, al unu el kiuj ankaŭ Vi apartenas.

La persona tipo (sociotipo) ne ŝanĝiĝas: nek post tago, nek post jaro. La psikologia tipo estas io alia ol persona eduko kaj klero, kultura nivelo, okupo aŭ profesio. La persona tipo estas maniero de informacia kaj aga interŝanĝo kun la ĉirkaŭa mondo. Ĉiu tipo havas samtempe fortajn kaj malfortajn ecojn - oni devas pagi por perfekteco ĉe unu flanko per malperfekteco ĉe la alia. Iufoje reprezentantoj de la sama tipo aspektas kvazaŭ ĝemeloj, kvankam ili eĉ ne estas parencoj. Eble sociotipo estas "antaŭprogramita" genetike.

Laŭ socioniko, oni opinias, ke rilatoj dependas pli de persona tipo ol de eduko. Tamen en psikologio estas diversaj teorioj de interhomaj rilatoj. Multaj psikologiistoj opinias, ke homa karaktero ne influas siajn rilatojn - kvazaŭ ĉio dependas nur de kultura aŭ socia nivelo, eduko, klero, profesio ktp. Sed ankaŭ inter tiuj, kiuj rimarkas la interligon inter homaj karakteroj kaj homaj rilatoj, opinioj diversas. Eĉ Sokrates ne scipovis respondi la demandon, kiela amiko estas pli bona - la plej simila aŭ la plej malsimila al mi [Plato: Lisis]?

Socioniko distingigas intertipajn rilatojn laŭ agrablecaj gradoj. Ekzemple rilatoj de du identaj tipoj estas tute ne ĉiam bonaj. Komprenante unu la alian senvorte, ili tamen estas same malfortaj antaŭ samaj problemoj, t.e. interhelpo en tiuj duoj estas malgranda. Sed rilatoj de du tute malsimilaj tipoj estas eĉ pli malbonaj - ili rezultigas senhaltajn konfliktojn. Tiam kie estas la "ora mezo"?

Tio estas dualeco - rilatoj de psikologia kompletigo. Socioniko distribuas 16 tipojn po 8 duoj de reciproke kompletigantaj tipoj, aŭ dualoj. Dualaj duoj estas la plej stabilaj, kiam oni temas pri longtempaj rilatoj en proksima distanco, ekzemple pri familiaj.

Socioniko aperis sur la bazo de persona tipologio de Carl-Gustav Jung. Tial ĝi en multaj detalaĵoj similas al Usona teorio de Myers kaj Briggs (MBTI). Tamen ekzistas ankaŭ multaj seriozaj diversaĵoj – oni devas ne forgesi pri ili:

Ĉefaj aplikaj sferoj de Socioniko. Pedagogio (studo de interago inter instruisto kaj lernanto/studanto, problemoj de kompreno de lernaj materialoj), familia konsultado (geedziĝo kaj divorco, problemoj de aĝo), personara konsultado (elekto de profesio/okupo, kunlaborebleco en kolektivo/grupo, strategio de entrepreno laŭ tipoj de personaro), fundamentaj sciencaj esploroj (matematika modelado, genetiko, psikofiziologio, morfologio – eksteraj/aspektaj ecoj de la sociotipoj), psikologiaj ludoj kaj trajnaĵoj.

En la Interreto Socioniko estas tre vaste reprezentita: en la Rusa lingvo estas pli ol 50 retpaĝaroj, el kiuj la plej fama estas www.socionics.org

Bonvolu legi plu!

V.Gulenko. Motivoj kaj filozofioj de la 16 tipoj.

T.Menŝova. Socioniko dum 45 minutoj.

Literaturo pri la MBTI

1.        Keirsey D., Bates M. Please Understand Me (angla llingvo), Versteh mich bitte germana lingvo)